Les mots surlignés font l'objet d'une note
1Reçue à Valence, le 11 juin 1573. Répondue.
2Monsieur de Gordes, je vous ay escript cy devant de faire punir exemplairement ceulx qui
3pourroient estre apprehendez coupables et motifz des elevations faictes en mon pays
4de Daulphiné du mois dapvril dernier. Depuis, le sieur de Chastellard, qui est
5devers moy de la part des gens des trois estatz de mondit pays, ma faict entendre
6quil a son beau frère et ung aultre sien parent, appellez lung Revol et laultre
7Guillermo, detenuz prisoniers à Grenoble pour le faict desdites ellevations, et les
8artifices dont ung appellé Gay avoit usé pour les incitter et precipiter, lequel
9Gay auroit esté depuis executé à mort en ensuivant le jugement donné de ma
10court de parlement ; et pour ce que je suis aucunement meu de faire grace ausdits
11Revol et Guillermo en faveur dudit Chastellard, et des services que des predecesseurs
12il faict par chacun jour aux affaires de votre gouvernement, dont je suis bien informé;
14mays pour estre la faulte desdits prisonniers grande et de pernicieux exemple au repos
15de mon estat, je veulx premièrement avoir sur ce ladvis de mon conseil et ce
16pendant vous dire que ma vollunté est que les proceddures qui se font contre
17lesdits Revol et Guillermo, ou bien les jugementz qui pourroyent estre intervenuz
18soient sursoiées jusques à ce que ma court de parlement et vous ayez aultres lettres
19de moy pour entendre sur ce mon intention, à quoy je vous prye, monsieur de
20Gordes, tenir la main. Pryant Dieu, monsieur de Gordes, vous avoir en sa saincte
21garde. Escript à Fontainebleau, le XXVIIIe jour de may 1573
22Charles
23de Neufville